Nove-Dous créase no Carballiño no ano 1996 coa idea de crear unha plataforma estable para o traballo e a creación teatral en tódalas súas vertentes. A Compañía créase gracias ás inquietudes artísticas e pedagóxicas dos seus dous fundadores: María José Lage González -Josi Lage- e José Jorge García García -Jouse García-. Ela, actriz natural do Carballiño, cunha ampla experiencia que vén reforzada co Título de Arte Dramática, obtido no Instituto do Teatro e das Artes Escénicas no ano 96 . El , ovetense , ten traballado en tódolos ámbitos do teatro e presenta ademais o correspondente paso e titulación polo mesmo Instituto de Teatro e das Artes Escénicas .

A Compañía márcase uns obxectivos que perseguen a creación e difusión de espectáculos.

E ademais salienta o ensino teatral a tódolos niveis de idade , grupos de poboación e cultura.

En canto ó ensino teatral, a Compañía tén aberta no Carballiño unha Escola de Teatro dende hai varios anos e a parte imparte clases en Concellos, Colexios, Institutos ou Entidades que así o soliciten, nestes intres o número de alumnos que recibiron clases por parte de Nove- Dous, supera os 800.